El Rey León

El Rey León ía una peli de debuxos animaos, que trata d'un llión interpretáu por Maculay Culkin, ya de las desavenencias que tien col sou tíu, porque chocan, porque'l sou tíu nun ía trigu llimpiu, ya esti personax interprétalu Samuel L. Jackson. Paez que nun cuela, porque Samuel L. Jackson ía negru ya Maculay Culkin ía blanquín, pero da igual, porque Maculay Culkin ía sobrín. Ya amás ía una peli de lliones, non de personas, asina que chitón.

Bono, entremos (¡por fin!) en fariña. Llanuras del Xerengueti, años sesenta. Nun ía un bon día pa cazar antílopes. Nin rinos. Nin ñus siquier. Conque cumo hai escasez, apaez un monu (col culu peláu) ya diz: "¡Sou un monu col culu peláu, ya eiquí hai perspeutivas de fame! Por cierto, llámome Milton Freedman...". Ya los lliones *echanlu a las hienas (cumo son lliones, pues queda mal *echallu a los lliones). Pero'l monu de culu peláu afuye, marcha pa las américas, pon pantalones ya graba -yá colos pantalones puestos- "El planeta de los simios", unde conoz a Charlot Heston, con quién años más tarde vei casar.

Pos eso, ya que'l llión malu vei comer al llionín pequeñu, pero ¡Hakuna Matata!, conoz a Timón ya Pumba, unu ía un gochu ya l'outru -eiquí perde la peli- una especie d'esguil. Digo perde porque tas tola peli "¿pero qué ía l'amigu del gochu? ¿un esguil? ¿un aguarón? un coneyu non..."

Ya Timón ya Pumba entrenan al llión mozu, que llámase Simbad, ya cuando ta yá va ya desafía al llión malu a un combate de boxéu, ya xuéganse un millón de pavos. Ya depués d'un duru combate, el sobrín gana al tíu. Ya la peli acaba n'ovaciones ya llárimas.

Dicir qu'hai pol mediu la peli una escena na que sal de refilón Tarzán, pero porque taba de pasu... Cumo las ambulancias de Breaveheart. Por sí había dalgún feríu. Tarzán Rules!

El ser humano ía increyible...