Dalgunos enllaces

Crítica cinematográfica de calidá

¿Qué peli vos prestou más?

viernes, 22 de mayo de 2009

Una Historia del Bronx


Buá, peliculaza. La peli vei de Calloghero, que yía un guah.e ya non un saltapraos, anque pol nome... Buo, Calloghero yía fíu de Robert de Niro, que fai eiquí la sua primera peli seria. Esplíco dalgo sobre Robert de Niro.
De Niro fou un niñu prodixu, que facía anuncios de pañales. Trunfóu, ya hasta los 21 años feixo anuncios de pañales; llou reciclóuse ya feixo cine de mafia. Fizo una peli antias de UNA HESTORIA DEL BRONX, pero sobreactuóu yá la peli nun funcionóu. Ya dixenon-y "¿Por qué nun mercas un monte ya te pierdes nél?"

Por embargu, en U.H.D.B. nun actuóu, nin siquiera diba maquilláu, ya consiguíu ésitu.

Bono, siguiendo cola peli, resulta que Calloghero fai casu al pái, que-y aconseya cousas cumo "nun sías ofensivu". Ou "nun ruempas nada". "Llava los dientes ou te meto un soplamoucos". Yera, en palabras de Groucho Marx, la parte contratante.

Llou taba Antón, que yera un mafiosu, al que Calloghero protexéu una vegada de la poli, ya Antón garróu-y muncha llei. Antón yera más... yera más... yera más dañín. Ya tamién influyóu a Calloghero.

Calloghero echa una mozuca, pero las cousas nun van bien, porque la moza yera negra, ya nesos tiempos los negros nun yeran inda presidentes de los EEUU... dalgún audaz llegaba a alcalde.

Pero al final Calloghero vei ya gana porque yera formalín, anque pol mediu matan a Antón d'una broma. Pero Calloghero reconciliase con Robert de Niro, ya nun séi qué más.

Una peli mui metafísica, pero you -que respeto a tolos seres vivos, inclusive los llamaos "seres vivos andantes", pos sóulo.











(Pa Xuacu Ca Pachón... ¡ánimu!)

sábado, 25 de abril de 2009

Al Final De Las Escaleras


Esta peli yía la típica que recomiendo a los mious peores enemigos. You vila ya -en confianza, pero nun lo contéis- firméi los calzoncillos. Sí, manchéi tol refaxu. Fou humillante, pero yía que la peli a-co-yo-na.

Va d'un guah.e, Cristopher Robin peimeque, que tenía un padre mediu raru, yera constructor, pero cola crisis pues tenía qu'espabilar. Entós afuega'l fíu -nun yía'l nome d'un queisu- ya merca outru fíu, que conviertese en Secretariu d'Estáu. Cousas de la peli. Lo cual paez la bibliografía de Miguel Gila. ¿Sedrá cine Gilaniananu?

Conque Stephen King vei vivir a la casa ú morriera Cristopher Robin, porque la sua familia morréu matada d'un accidente, lo cual al principiu yá paez qu'acoyona. Buo. Entós cumo la casa paecía tener tolos avances de la domótica más moderna, pero ensín corriente, Stephen entama a duldar, ya llama a Hidroeléctica del Cantábrico. Éstos, pa estos casos, tienen videntes, porque nun vei ser que nun cobren el recibu, eso non.

Entós vei una vidente col home, que escribe durante la sesión d'espiritismu, pero a-co-yo-na. Inda acoyona más cuando'l Stephen King usa la grabadora, ya sería cumo un capítulu de Camín de Cantares, si nun fora qu'eiquí falaba Cristopher Robin ya más ou menos eiquí fou unde derrapéi...

Bono, Almendrábar diz, cuando quier facese l'entendíu en cine, qu'esta fou la meyor peli de terror que véu. Pero cumo you nun sou Almendrábar, pues you quedome con Scooby Doo I ya la sua secuela, Scooby Doo II, que son de miéu, pero nun acoyonan tantu.

Al final la peli acaba cumo una mascletá de las fallas valencianas, Cristopher Robin I mata a Cristopher Robin II, que paecíase a Warren Cristopher, políticu chungu d'EEXX, d'esteriores, ou dalgo asina. En fin, you nun vería esta peli, ou si la viera nun la vería mudáu.... ¡Facéime casu!

martes, 3 de marzo de 2009

BRICK


Brick yía la peli que toca güei eiquí.

Brick va d'unos moderninos d'esos qu'andan prehí ya eso; you conózolos casi todos, pero you nun apaezo tipificáu na peli, ya quiciabes sía eso lo que más me fadia, nun séi, a lo meyor toi precipitándome ya nun sou modernín...

Yá de mano, el protagonista yía un "gafapasta" ya un freakie, que anda cumo si nun fora capaz de controlar l'esfínter, lo cual tien muncha razón de ser, si nun fora que la peli yía americana ya los americanos fai lo menos 200 años que desarrollanon esi conocimientu. ¡Qué tontería!

Cumo la productora gastóu casi tol presupuestu nos lentes de los actores la música d'esta peli ta feicha con un banjo de trés cuerdas, una flauta dulce afónica ya una botella d'anís, pero cumo l'equipu compositor formabalu Vangelis, Vladimir Cosma ya Ennio Borricone la música yía basoria. Amái los instrumentos nun los afinanon pa grabar.

La peli yía cumo una versión portuguesa de "Compañeros", solo que con pretensiones. Ehí yía lo que se ve cuando te sientas colos cacagüeses delantre de la película. Eso ya odiu faza'l xéneru humanu, modernín ya gafapasteiru...

Bono, a ver. Brighton sal con una muñeca inchable ya xinta solu nel institutu. Pero cumo yía tan tontu, la muñeca inchable vase colos porreiros, ya úsanla toos... bono nun sigo porque dame vergoña dicir que ví esta peli, pero tamién sou humanu, tamién meto la patona. Non en vanu, el títulu de la peli yía "brick", que n'inglés quier dicir "lladriellu, tostón, coñazu".

Sí, Brick tien bona fotografía, ¿pero eso a quién-y importa? Lo que mola yía'l tema, ya nesa peli nun hai. Si queréis ver una peli guapa, si podéis mirái Taxi Driver, que sedrá la siguiente peli que faiga Cernícalo.
Nesti blogue hai compañerismu; ¡Tamién me pasóu él Brick!

Escríbenos

Si quies dalguna cousiquina, la ccrítica de dalguna peli, ou una entrevista con dalgún famosucu de Hollywood ou d'Ardesaldu, aceptamos piticiones na siguiente direición... munduxaime@yahoo.es
Free counter and web stats