Soy Leyenda

Soy Leyenda ía una peli prestosa... sin nun fora que'l direutor, Peter Jackson, tien munchos perxuicios.

Esplícome. La Peli trata de cumo un negru ye perseguíu por una parva blancos; encetáos, val, pero blancos a fin. Ya al final los blancos comense al negru - qu'ía Will Smith- pero outros dos blancos que tan por encetar salvanse, al llegar a Canadá (¡qué gran país!).

La infeición de los blancos nun ía conocida. Pero na peli, nun puen ver la lluz. Andan tamién revolucionaos, cumo si touvieran esforiaos. Ya calvos, ía una cousa qu'hai que dicir. Ya tienen el xen racista mui revolucionariu tamién, nun paran hasta que nun cueyen al negru, magar qu'ésti fora bono.

Bono. La peli ta bien, ía entretenida. Si sigue na cartelera ya nun hai nada meyor, you ía una peli que diría a ver. Sinon, pues vería outra, tampoucu ía pa tanto.

Pero aviso, hai prexuicios pa colos negros. A ver cuando'l negru bonu se salva ya mata a los blancos malos... ési ía más bien un trabayu pa Tarantino.

RASHOMÓN

¡Mia madre! Menuda peli Rashomon...

Ía un peñazu peli, mui aburrida. Lo meyor, los actores que trabayan nella. Bono, vou contavos darréu un poucu de que vei, pero ensin estropealla, que si non llou nun vos presta.

Akira Kurosawa, qu'ía un grande, xunta nel Templu de Rashomon a Vlad Tepes (Drácula), a Frankestein ya Rufus (l'home-llobu). Entós cumo tan mui mal, Rufus come-y un pía a Frankestein, ya Drácula échase las manos a la cabeza. Entós apaez el Van Helsing ya mátalos, a indireutas. Cono que Van Helsing entós ía, a partir daquella, un as.

Llou Van Helsing vei por tou Xapón contando la sua hestoria, ya la xente sal a recibilu, ya cantan-y cantares, ya recitan-y poesías, ya ía mui grande.

Conque dempués d'unos añinos, deciden xuntase outra vegada toos ellos en Rashomon (Drácula, Rufus ya lo que queda de Frankestein), pero non físicamente: Por mediu de Fu-manchú, que sal cumo artista convidáu nesa producción, ya que fai de vidente, ya fain una oui-ja.

Bono, nel papel de Van Helsing José Luís López Vázquez, nel de Drácula Andrés Pajares, nel de Frankestein Javivi, ya nel de Rufus Coto Matamoros. D'Akira Kurosawa fai Akira Kurosawa.
Agora en seriu, nun la véais, que nun vos vei prestar, ía mui densa. Si tuvía fora una peli de Debuxos Manga...