ELF

Fai dél tiempu yá viera Elf. Ya paeceume una peli indispensable. Nun solo pola banda sonora, feicha pol mayestru Von Karajan, sinon pol climax de las escenas centrales, cuando Elf, un home-mono, llega a Manhattan d'incógnitu. Cuido pa min qu'ía de lo meyor del cine de los noventa.

Pero nun acaba ehí la cousa. Nun contento con ello, Bertolul.li, que fou'l direutor convencéu al guiñol de Jose María Aznar pa que feixera un doblaxe d'un personax de la película. Ya gana con ello.

Llou, dicir tamién qu'houbo bien de problemas pa grabar la película, porque nevaba, pero claro ía lo que tien l'Iviernu. Si nun fora iviernu nun nevaba ya entós Elf muncho xacíu nun tendría.

El repartu d'actores ía espectacular, tanto ía asina que yá nun falamos de repartu, sinon d'elencu d'Actores. Ya de los estras, pa que cuntar. Dalgún touvo hasta nomináu pa los Oscars. Bono, salía George Clooney faciendo de Rei Magu ya too... Ya'l Rei Magu Negru (perdón polo de negru, ía de color negru) interpretábalu Denzel Washington.

Mui bona la peli, ya a los feichos me remito: Indispensable, pa estas fiestas, cine en familia

Spaghetti Western

Los años 60 fonon mui aburríos n'Europa. Nun pasóu nada, pero n'Italia una hestoria d'amistá guañóu:



Terence, un forníu rapazón napolitanu conoz al guaperas Bud. Xuntos faen del Cine Europeu un cine de calidá, con poucu presupuestu, ya de conteníos, pos eso, mui bonos.

Terence ( el gordu) tenía un llau humanu, sol sou peyellu de matón, un poucu asina cumo'l M.A. blancu, guardaba munchu ciñu a los guah.es. Dalguna organización pro-infancia queixabase, porque quiciabes touviera demasiada.

En cuanto al galán, a Bud, pos tamién yera finu a la hora cascar a los malos. Nun-y diba al gordu mui a la zaga nel tema esi, pero ésti yera'l llau seductor de la pareya. ¿Por cierto, esistíu dalgo más que compañerismu ente Terence ya Bud?

Bono. Lo peor más se queixa Hollywood fou qu'ente Terence ya Bud acabanon con tolos indios. Entamanon por Nebraska ya acabanon por Wisconsin. Colo que tamién eso fou un poucu'l motivu que vinieran a rodar las pelis n'Almería. Los indios d'Almería yeran más blancos; non, seique más blancos, sinon más "cañis".



Títulos pa remembrar son: Le llamaban Trinidad, Y si no nos enfadamos, Kill Bill, Los Cañones de Navarone, ya inclusive Rob Roy.



Llou tán tamién outras obras mayestras del xéneru, El bueno, el feo y el malo na que salía Clint Eastwood ya feixose un remake nos últimos tiempos con 800 Balas. Anque esti cine nun ía de tan bona calidá cumo'l de la pareya Terence-Bud.

Clint Eastwood (La muerte tenía un precio, El bueno, el feo y el malo, 800 balas....) ía un clásicu del cine. Cúmo nun fora pa trunfar nos Estaos Uníos, touviera que venir a España a buscar trabayu, sentando un precedente. Güei son miles los que van de fora a trabayar a Almería, siguiendo los sous pasos. Antes, nin dious.

A partir d'esi momentu, Clint Eastwood faise mui queríu por las suas dotes interpretativas, faciendo un personax de tipu duru, casi rozando un esteriotipu de persona "maniaco-depresiva", que llevóu a outros actores cumo Marlon Brando a facer pelis, cumo por exemplu, Apocalypse Now ou Último Tango en París.

Finalmente veimos apurrir una peli del xéneru pero españolas, porque bono, nós tamién participamos d'ello, non solo poniendo l'escenariu, sinon con filmografía.

Aquí llega Condemor, (El pecador de la Pradera) de Chiquito de la Calzada, el Maurice Chavalier ibéricu. Pos sí, dende España, ía la película de proyeición mundial.

Recomendamos esta peli pol sou realismu, pola sua acción, ya pol humor finu ya irónicu del propiu Chiquito. Pero outru día falamos d'esta peli, porque da pa ello ya paga la pena.

Diestru ya Cernícalo Furioso, dende la Redacción de Daquién esnalóu penriba'l nieiru'l Coruxu

Parque Jurásico

Alcuerdome inda cuando fora ver Parque Jurásico, d'Al Pacino ya Javier Neira. Cuando sali del cine, llantoseme delantre una llagartexa ya estrapayeila toda. Pero con tol alma.

Ía que Jurasic Park (n'Inglés) ía una película que tien un mensaxe: Si quiés chicolate, faes chicolate.
Conque la peli vei d'un científicu llocu que recalifica una islla tropical, ya las cousas puénense chungas ehí. Ya bono, salen tamién dinosaurios y tal, pero eso ía secundariu. Ya digo secundariu porque naide nun se decata de que tamién apaecen teléfonos móviles, los famosos móviles del xurásicu.

Bono. A min personalmente la película prestoume un cachu. Sobretoo la fotografía ya la banda sonora, feicha pola Cirigüeña. Ía una película pa tolos públicos, menos pa la xente sensible pa colos animales porque bono, tamién matan una vaca ya hai escenas con violencia non esplícita, lo qu'alluga a esta peli nuna estaxa de la llamada "serie b", pero bono, sedría muncho dicir, pamidea.

Con todo ya con ello, si pues escoyer, you vería outra película, anque non por ello nun deixo de recomendar Parque Jurásico, ya a los que lleeron el llibru pos mui mal, porque hai película, ya la película foi taquillera en sou día.

Sicasí, cuidaivos nun atopar de la que llevanteis el culu del sofá cola vuesa iguana, nun la toméis con ella nun calentón ya vaiga caliente pa la camina, que nun deixa ser un animal sangre fríu, ya entós malu pa ella. Meyor si veis Parque Jurásicu apartar del salón la iguana.

Memorias de África

Buah. Peliculón, el de Memorias de África. Vei de cuando la Segunda Guerra Mundial los alemanes invaden Francia, ya dalgunos tán favoratibles pa con ellos ya outros non. Bono. Ya Humphey Bogart pasa un poucu del tema porque ía superestrella pero llou vei ya por amor ya apoya a los bonos: A la que facía de muyer del rebelde que taba contra los alemanes.

La banda sonora recuerda una cafetera cuando vei sacar el caféi, pero por eso, porque la música ía la de Cafes Saimaza, que cumo molaba muncho (ía casi lo meyor de la peli), pos entós aprovechanla.

You diría que la película ganaba más si fuera en color, porque víase entós meyor. Pero bono, en blanco y negro tamién ta chula. Ganóu en Cannes dalgún premiu peimeque. Lo que pasa ía que sufríu censura: El final nun ía el que se cuenta, sinon outru mui distintu.

Sí, siguidores nuesos, el final ía outru. Al final de Memorias de África a Humphrey Bogart entierranlu nun cementeriu d'elefantes...

El Increíble hombre Menguante

Una de las películas más grandes del género serieB-ficción, con unos efectos especiales impecables e ingeniosos, que dan una sensacion de realismo sorprendente para tratarse de finales de los 50; y con un guión que por sus pretensiones grandilocuentes, ahora resulta simpatiquísimo.

Una de las partes más grandes de esta película es sin duda cuando el prota(ya menguado) busca un sentido a su diminuta existencia y se va a ver un circo freak, en el cual conoce a una mujer "a su medida"..... el filtreo que se gasta con la enana, cinematograficamente hablando es comparable en intensidad con el romance de Clint Eastwood y Meryl Streep en Los puentes de Madison.

En definitiva, cualquiera de nosotros puede ser Gulliver en su propia casa si tenemos la desdicha de toparnos con una nube tóxica.

Matrix

(Bono, por problemas téunicos, vou facer la entrada de la selmana que-y correspondía a Cernicalo Furioso, la outra metá d'esti proyeutu de cultura. Ya faigolo con una crítica nada fácil, la del Matrix. Casi na, vei por ustedes....)

Matrix fou una peli que viera tol mundiu. Pero cuando entrugas de qué vei, naide sabe dicite. Porque ía una peli mui difícil. Tien escenas de sexu, de drogas, d'acción, d'aventuras, de drama, de thriller (mialma que palabru más raru) ya eso.

Naide nun sabe de que trata Matrix. Lo que ta mui claro ía que en Salas nun se rodóu, porque nun salen xatos, ya si se rodara en Salas, dalgún diba salir.

CagonRos. Vaya güesu duru qu'ía Matrix pa criticar. Digo cumo película. You Matrix peicíame que los bonos diban vestíos mui guapos, un poucu gai el sou estilu pero amañosu. Ya los malos diban vestíos tamién mui chachi, pero más clásicu. Unos diban d'Armani ya outros de Versace. Bono al rovés, los bono de Versace, los malos d'Armani.

Qué más cuntar. Neo yera un friki que pasabase'l día xugando al PC Fútbol ya cuando deixou de fabricase chiflóu, ya subíase polas paredes. Llou, you perdíme, porque entamanon a enredar ya nun sei que más.

Ah sí, qu'el conceutu de telefonía móvil fou preconizáu nel film ésti, en Matrix. Con Matrix apaez el conceutu de telefonía móvil.

Ya bono, por últimu dicir que Matrix ta basada nuna idega orixinal de Gustavo Bueno, filósofu ya lo que faiga falta, ya'l fíu de Gustavo Bueno, Gustavo Bueno II, fou un de los guionistas, ya creóu a Neo a la sua imaxe ya semeyanza.

Karate a muerte en Torremolinos

Una gran película, la que lleva'l títulu de Kárate a Muerte en Torremolinos. Ía una peli d'artes marciales, rodada nesi escenariu únicu de Torremolinos, na provenza de Güelva, xunto a Seviya, pero un poucu más allá según vienes.


Bono, entrando en fariña, ía una peli que fala d'artes marciales, lo peligrosas que puen ser si anecias ya das con ún que contrala guai. Llou, tamién hai animales mitolóxicos recuperaos, cumo'l pulpu ési, Llocántaro.



Digo recuperau porque unos percebeiros galegos garranlu ya feixeran pulpu a la galega. Menuda fartura.


Pos eso, la fotografía tremenda, capta unos planos en tol sou esllendor, ya la banda sonora espectacular, da un toque d'armonía a esti film. Ya Chun Li, nel papel de Kárateca total, mui bono, mui bono. Vese-y futuru a ési rapaz. ¡De xuru nos sorprenda con outru títulu semeyáu!

Entamamos

La sociedá vien desixiendo, ante la inquisitiva presión de la industria de Holliwood, Cannes, Berlín ya Cualloto, una visión crítica del cine tal cumo ía, pa los espectadores. Nesi sen empobinamos esta xera. Qué vos preste, l'equipu de Daquién esnalou sobre'l nieiru'l coruxu....


Diestru ya Cernicalo Furioso