Dalgunos enllaces

Crítica cinematográfica de calidá

¿Qué peli vos prestou más?

martes, 26 de agosto de 2008

Steven Seagal

Muncha xente llee esti blogue ya diz "Esti par tán cumo burros. Sobretoo Diestru". Ya muncha razón llévanla. Pero yía que según consultamos información sobre los actores/personaxes d'esti mundu en realidá nun cagamos muncho nin res fora del pote... pa que veáis esta yía la vida d' Stevcn Seagal:

Steven Seagal fou fíu de pái xudíu ya mai medio irlandesa ya Cherokee; eso esplíca munchas cousas. Porque efeutivamente, Seagal antes de nacer nun fou un fetu, fou un cóctel. Yía sobriu cumo un irlandés, fai l'indiu cumo un cherokee ya yía raru ya bizarru cumo un xudíu. Ya pa encima nacéu en Landsing, unde la CÍA.

Conque pa que nun diera muncho la murga, na sua casa apuntaronlu a Kárate, a Taekwondo ya a dellas artes marciales, ya cumo nun bastóu, unvianonlu a Xapón, pa qu'aselara.

Nos años 80 cansanon d'él en Xapón, ya mandanonlu outra vegada pa los EEXX. Ehí entróu nel mundu'l cine cumo una especie de téunicu pa las películas d'artes marciales, una especie de coordinador d'especialistas. Ensin entrar nel SOMA.

Paralelamente trabaya de Guardaespaldas de las sua segunda muyer, una actriz. Nos 80 como nel sieglu XXI el braguetazu siguía de moda, hai cousas que pouco cambia, ya darréu Seagal entama a facer pelis cumo prota. ¡Si los harmanos Lumière llevantan la tiesta... del sustu volven baxalla!

Mentres vivíu colas suas dos muyeres actrices feixo un montón de pelis, agora divorciáu, los críticos avezan dicir que yía faltu de talentu, lo cual nun paez muncha novedá. Si a eso amestamos que las pelis son mui malas... porque por exemplu Robert de Niro feixo pelis malas, pero yía un Highlander interpretando.

Lo meyor son las curiosidades d'Steven Seagal: paez que cuando grababa emocionabase ya dibase-y la mano, tien dao en verdá a outros actores; tien mancáu col sou güelpe mayestru, "la patada por dientru" ou tamién conocida cumo "a los güevos".

Conque Seagal tien cumo mala costume, diría you zuna, dir retando a outros actores karatekas... En serio. Ya
Seagal suel llevallas. Asina hasta que diou con Jean Claude Van Damme, que nuna fiesta na casa d'Stallone -verídicu, Cernícalo Furioso andaba prehí- coincidienon. Seagal aporfióu ya apostóu que yera capaz de patea-y el culu, ya durante media nueiche anduvo trés d'él. Hasta que Van Damme cansóu ya aceptóu. Seagal entós dixo que meyor non... ¡por vello!



Esti zampabollos quería pegase con Van Damme, campeón de Karate, Muai-Tai, culturismu...etc


Ya nun tuvienon que nin siquier separallos, pero sí coyer ente Schwarzeneger ya Stallone a Van Damme, que lu mataba. Entós Seagal marcha pa un chigre, ya Van Damme vei tres d'él, ya nun lu enganchóu, que sinon saca-y tolos dientes. Por cierto, dicían que nesa fiesta servía las copas Chuck Norris...

Paez ser que d'ente los karatekas namai tien un amigu, Jackie Chan, que namás lu quier pa facer de malu nas suas pelis... Tán los dos pa llamber.

Bono, Seagal feixo munchas pelis, en fin, nenguna fou La Lista de Schindler, Memorias de África, ou Citizen Kane, porque pa eso yía Steven Seagal, ya tien qu'haber xente pa too; ya tamién toca la guitarra nun grupu, creo que n'El Canto del Loco, ou dalgo asina.

Actualmente culpa al FBI de la cayida de la sua carrera... hohoho

martes, 19 de agosto de 2008

Death Proof


Death proof es la ultima película de Quentin Tarantino de la que tenemos constancia en la gueyada crítica, por eso con esta crítica nos despedimos de unas jornadas de cine y gastronomía que nos han aportado la ostia puta.

Death proof es una peli de la ostia, pero para llegar al nivel de Russ Meyer, tendría que darle un poco más de protagonismo al sexo, que de tan friki que es, da la vuelta...... decepcionante.

Al final te queda esa sensación que todo hombre bien conoce, como de "me acabo de comer la mejor tapa callos del mundo, pero sin pan"

Deciros por último que tanto Diestru, como yo, estamos agotados después de habernos entregado en cuerpo y alma al asunto tarantiniano, asíque nos vamos de vacaciones a Torremolinos, nos somos asina.

jueves, 7 de agosto de 2008

Kill Bill II




Teo dicir que nun entendí muncho la segunda parte de Kill Bill, porque nun vi la primera. Pero polo que teo sentío, resulta qu'Unma Thurman vei pa matar al harmanu de Bill, que vivía pa la parte Candamu, pero yera mui bravu ya enterroula viva.

Lo que me recuerda al cuento de Xuan ya Maruxa:

ESTO yara Xuan ya Maruxa ya matanon un cordeiru ya enterránonlu. Ya alcordanon comellu cuando touvieran los dos xuntos. Ya, marchanon pa la sua casa.

Ya al día siguiente, volvéu Maruxa ya desenterrolu, ya coméu una parte. Ya tornou darreu pa xunto Xuan. Ya Xuan pregunta-y: "Ái Maruxa, ¿d'óu vienes?" Ya Maruxa diz: "D'un Boutizu" "¿Ya cúmo lu llamestis?"
"Empeceilu"

Ya al outru día Maruxa fou outra vuelta pal sitiu áu lu enterraran ya volvéu comer un poucu d'él. Ya cuando volve, Xuan entruga que d'áu vien, Maruxa diz-y d'un Boutizu. Ya Xuan, entós volve preguntar cumo lo llamanon: "Terciéilu" respondéu Maruxa.

Ya al tercer día, Maruxa fou camín d'áu taba enterráu lo que quedaba del Cordeiru, ya coméulo. Ya cuando torna pa casa, atopa a Xuan ya diz-y que d'áu vien. Ya Maruxa diz que d'un Boutizu. Ya Xuan pregunta que cúmo lu llamanon. Ya Maruxa diz: "Terminéilu"


Ya cuando fonon los dos esenterrar el cordeiru ya nun quedaba nada. YA ESO.

Conque Unma alcuerdase del sou mayestru, que yera'l cordeiru, ya llena rabía sal, ya vei a pol harmanu de Bill, que taba negociando con una muyer-pirata una catadora. Ya al velos asina, Unma dixo eso de "L.leite, l.lume, l.linu" ya cumo nun s'alcordaba de "l.lana" garrou ya arrancó-y el güeyu que tenía a la muyer-pirata ya esta mata al harmanu de Bill.


(Fou por esta catadora)




Ya al final, Unma mata a Bill ya conoz a la sua fiya; fan una tortilla ya van a la playa al Aguilar


Kill Bill I

Kill Bill I yía la primera de la triloxía d'esta saga. La cousa -you cunvosla ya asina nun la veis- vei d'Unma Thurman que vei casase con un rapaz al que-y gustaban más los Rolling Stones, pero apaez Bill -David Carradine- que fora "pipa" de los Beatles, ya cumo touvieran una rellación, pos resulta qu'hai fondonadas d'ostias por tolos llaos, ya la cousa acaba con Unma ko.

Unma, por sua parte, ta embarazada de Ringo Starr (ex-Beatle) ya cumo depues de la paliza sobrevive, Bill ya los malos -son malas, pero you sigo la llei de Discriminación Positiva- tienen interés en ver cumo sedrán las ñarices de la criatura (ñarices d'Unma Thurman + ñarices de Ringo Starr... dalgo paecío a Pinoccho).

Conque Unma sobrevive, ya eso. Cuando un ats que taba en Cangas, más salíu que'l personal a la baxada del Visu, quier sacar unos cuartos de mala manera con Unma, Unma matalu a él ya al doliente que diba pagar al ats. Entós... entós yía cuando Unma viense arriba.

Unma vei a ver a H.atori H.anso, qu'entre outras cousas fou'l creador de TopoGigio, ya por ello véngase; fou lo primeiru que feixo namás pisar Xapón. Ya llou fou contra una de las malas, O'Reiny Shee, que paez irlandesa, ya cumo nun séi cumo s'escribe deixolo asina.

O'Reiny tenía un exércitu de xaponeses, que cumo paecían todos iguales (son orientales) pues llamabanlos los 88, pero nun llegaban a dos docenas llargas. ¡Nin ente ellos pudieron con Unma, que yía una estrella! Conque acaba con O'Reiny ya las suas amigas, ya deixa a una, pero nun val nin pa Noreña.

Ya entós entama la peli. Vei ver a la sua antigua amiga afroamericana, que tamién participara nel Bodorriu -sona que-ys salíu caru- ya mátala, depués d'una llucha. La muyer taba reinsertada ya tenía una fía, ya cuando Unma acabóu cola madre (que yera mui mala) dixo-y a la neña dalgo asina cumo: ¡Vermouth!

Ya entós entama la peli.

Kill Bill


¡¡¡Ya llegamos a Kill Bill!!!

Kill Bill a min recuerdame un güevu al mercáu de Ganáu de La Pola, ou a la feria ganáu de San Pedro de Meicina. ¿Por qué sedrá?

Pa entamar pol comiciu que tien Unma Thurman na peli, que paez que-y pruye aquella cousa. ¡Que dolor! ¡qué
gracia! ¡¡¡Cumo airea la contomenia!!!

Sal tamién David Carradine, que yía igual qu'un tratante del conceyu Tinéu, namás que más suavín. ¡Ai si l'arna fora madera!

Llou ta tol tema d'estética un poucu dibuxos manga, pero yía porque pasaba prehí Akira Kurosawa ya cumo sabe kárate dixo-y a Quentin Tarantino "Cuidadín.... ¡eeeeei!" Ya entós Tarantino pues feixo un par de pelis inspiradas nesi modelu nipón.

Bono. Paso entós a contar dalgo más de caduna de las duas pelis, porque esta triloxía yía de duas pelis.

Escríbenos

Si quies dalguna cousiquina, la ccrítica de dalguna peli, ou una entrevista con dalgún famosucu de Hollywood ou d'Ardesaldu, aceptamos piticiones na siguiente direición... munduxaime@yahoo.es
Free counter and web stats