Dalgunos enllaces

Crítica cinematográfica de calidá

¿Qué peli vos prestou más?

miércoles, 16 de julio de 2008

Mad Max


Cuando ún vei la peli Mad Max el primer comentariu que se-y vien a la d'arriba yía "Nesti país mui mal tán". Ya ciertamente. El país en concretu del que falamos yía Australia. Yía paecíu a Asturias ou a Austria, pero Australia. Por dalgo tarán mal ¿acuéi?

Conque la peli vei d'un poli que lu llaman Mad Max porque ta cumo un toyota corolla de flipáu. Yá vei de tipu duru, pero al final vuelca'l coche. Los policias n'Austria van en coche, que yía cumo eiquí cuando Jaime de Marichalar vei en patinete eleutricu. Pos eso. Más ou menos.

Max tien un V8, que furrula con gasolina. Normal. Si fora diesel nun tendrían presupuestu. Porque la peli ta grabada na dómina de la crisis de 1973, pero cumo Australia ta a tomar por culu, pos llegóu más tarde. Bono.

Tampouco se ven canguros, que yía una cousa qu'un espera d'una peli australiana. Cuoñu, pa una que veo, que salgan polo menos. Un canguru. Pero que por favor nun lu llamen "Flipy".

En Mad Max sal Mel Gibson ya Samuel L. Jackon. Mel Gibson sal mui mozu. Yeran nos sous años de discoteca ya guateque. Too un gigoló. Un xigante. Un bestia. The Best. ¡Da gustu vellu cumo anda p'arriba p'abaxu col sou V8 a too flispín!

Bono, nun salíu Kid, The fantastic car, porque fou la sua dómina d'alcohol ya drogas ya declive. Pero sí salíu Lassy. Pero yá nun yera lo que fora, ya paez que nun se notóu. Cumo si ponen una calcamonía. Nada.

El resto d'australianos nel sou nivel. Cumo siempres. Con aquel aquél tan australiano.

Bono la peli paez que gustóu al públicu ya cumo prestóu sacanon outras duas más. A min paecenme mui bizarras, pero pa una vegada que graban una peli n'Austria, emocionanonse, ya dixenon: Vamos facer pelis. Pero nun tien color.

La primer peli que se grabóu n'Australia fou La Quimera del Oro, de Charlot Heston.

3 comentarios:

Diestru dijo...

Lo que fai grande a Daquien esnalóu penriba'l nieiru'l coruxu son los datos cumo'l de La Quimera del Oro de Charlot Heston.

Somos asina. Rigorosos porque somos de la parte rural. Yía lo que tien. Somos finos cumo un escozor...

Unknown dijo...

Pos yo que la ví per primer vegada l'otru día...llueu vi la segunda y prestome más.

Cernicalo Furioso dijo...

la mejor de tdas ye "la ultima cruzada", que salen nazis, motos y fantasmas

Escríbenos

Si quies dalguna cousiquina, la ccrítica de dalguna peli, ou una entrevista con dalgún famosucu de Hollywood ou d'Ardesaldu, aceptamos piticiones na siguiente direición... munduxaime@yahoo.es
Free counter and web stats