Dalgunos enllaces

Crítica cinematográfica de calidá

¿Qué peli vos prestou más?

martes, 1 de julio de 2008

El Golpe


Bú bú bú.... ¡El Golpe! ¡The Sting! ¡Trocotró trocotró!

"Cumo presta ver, nesto de la hestoria, que depués de los locos años 20 lleganon los años 30"

(Frase mía)

Bono, pos El Golpe. Pa entamar los artistas que participanon. Paul Newman, lo que demuestra que tien yá cerca de 150 años. Un Brad Pitt mozu que, ou bien ía Brad Pitt, ou bien ía Robert Redford... ¡viva la Radio Fórmula!. Anque pal casu patacas. Llou, de malu malosu Robert Shaw, anque tamién valía Robert Duval, pero cumo tenía que rodar el Padrino, dixo "non". (Un "non" yía lo que llaman un no tajante).

Bono, de Paul Newman teo que dicir que tengo-y cierta simpatía, porque'l miou buelu paecíase a él. Ou eso al menos dicía la mia buela. Dicía que miou buelu paecíase a él, cuando yera mozu. Quiero dicir, el miou buelu de mozu ya Paul Newman tamién. Na época de las cavernas...

Tamién apaez Sting, polo menos nos créditos, pero en tola peli nun lo ves... cumo nun fora una coupletista...

Robert Shaw, pola sua parte, tamién trabayóu en Tiburón... ¿A qué nun imaxinan a quién interpretaba?

Sí. Facía de Tiburón. Porque de delfín el probe... cumo que non. Porque ía cumo una androyada... ¡si a mín hasta me paez que tien cara xatu! Anque pa cara xatu John Travolta, que nun apaecía n'El Golpe, pero sí en Grease, poniendo la sua cara xatu en planu frontal, cenital, de perfil, de cerca ya de llonxe... ¡nin col maquillax-y fonon a quitar el paecíu! Pero claro, cumo John Travolta tien una avioneta.... él trunfa en HollyWood, ya Cernícalo Furioso ya you non.

Bono. Tou saliendo pola tanxente. Dicir d'El Golpe que ta rodáu en México, que yía un país mui bono. Bono non, nun lo yía, pero cumo exiesti hai que querelo. Ya nada, que nun podían salir d'una habitación, pero nestas llegóu l'Increíble Hulk, en plan avaqueiráu, ya baltióu la muria a cabezazu llimpiu. ¿Cúmo se llama la pelicula?


"Estos de la Braña son la ostia"

No hay comentarios:

Escríbenos

Si quies dalguna cousiquina, la ccrítica de dalguna peli, ou una entrevista con dalgún famosucu de Hollywood ou d'Ardesaldu, aceptamos piticiones na siguiente direición... munduxaime@yahoo.es
Free counter and web stats