Four Rooms

Nueite Viecha pue ser mui llarga. Sobre todo si vas celebralla nun Hotel Rural de Cangas del Narcea. Ya inda más si sirves nuna mesa na qu'hai un rapaz que llaman Xuacu, ya tu miesmu llámaste Xuacu... ya inda peor si hai mozas, ya ties necesidades fisiolóxicas, ya ún de los comensales tien alerxa al mariscu...

Bono, pos Four Rooms yía la versión americana d'esa Nueite Viecha famosa que pasanon un grupín d'asturianos en Cangas, talamente cumo lo vería Xuacu. Pa la versión americana, Tim Rooth.

Bono, bona verdá sedría dicir que Quentin Tarantino namái sal nuna de las cuatro escenas de la peli, porque hai cuatro escenas, ya cadúna dirixela un direutor distintu: Allison Anders, Alexandre Rockwell, Robert Rodriguez y Quentin Tarantino.

A min la que más me presta yía la escena que dirix Robert Rodríguez, paezme qu'esi paisanu ta pa encerrar...

Pouco más pueo dicir. Que na escena de Tarantino sal Bruce Willis, que yía un actor raru, que paez que tien una enfermedá rara'l probe ou dalgo asina; ya que Tarantino nun muerre na peli. Tamién que sal ilesu, non cumo'l sou amigu negru, al que (cumo non) cortan-y un deu, ya al rodiu d'esi deu xira tola escena que dirix Tarantino na peli, que yía -pa min- la segunda meyor escena, depués de la de Robert Rodríguez, que son palabras mayores, anque las outras dos tan bien. Ya'l diálogu ente la tercera escena ya la cuarta escena -nun séi quien lo dirix- paez que fou escritu por Carlos Ruiz Zafón, paezme xenial. Sedrá porque ta ensin direutor, seique.

Conque curiaivos de trabayar en Nueche Vieya, cumo dicen pa Cangas, Nueite Viecha.