JOHNNY DEEP YA JULIO IGLESIAS SON LA MIESMA PERSONA

Vou, amiguinos d'esta seición de faladurías, amosar cumo Johnny Deep ya Julio Iglesias son la miesma persona, eiquí, ensin despeiname. Amás teo la cousa de que sou you quien la vei inauguraar...

Pa entamar, el nome. Si Ablaña ía -cumo bien sabeis- Álvarez, Johnny ía Julio. Pola miesma regla de trés. Con Deep ya Iglesias vilo más difícil, pero nun exerciciu de pundonor ya trabayu duru vou esplicavos cumo ía lo miesmu.

Deep quier dicir profundu, escuru... ya cumo talo húmedu ya fríu. ¿Qué ía profundu, escuru, húmedu ya fríu? Una Ilesia, Iglesia. Que por cuenta Iglesia sía Iglesias ía porque Deep tamién ta en plural, ía outru datu más a apuntar.

¿Áu vive Julio Iglesias? En Miami, Florida. ¿D'áu ía Johnny Deep? De Missouri*. ¿Ta clara la cousa, acuéi?

Visten igual, peinanse igual ya tienen el miesmu xastre. Johnny Deep touvo un grupu música (rock, pa despistar) ya Julio Iglesias fizo los sous pinitos na TV ya nel Cine (alcordáivos de la serie "Menudo es mi padre" unde facía de taxista).

¡Pero si falan hasta Igual! El problema ía que por una cuestión de marcas Johnny Deep ía'l nome comercial pal Cine ya Julio Iglesias -ya eiquí siendo mui rigurosu- pa la música. Si en realidá llámase Juan Pérez, pero con esi nome nun trunfa naide. Colo que touvo más llibertá pa escoyer outra identidá cola que trunfar.

Asina que yá lo sabéis. Johnny Deep ya Julio Iglesias son distinto personax pero la miesma persona.








*Pa los americanos dicir Florida ya Missouri ía cumo pa nós dicir Salas ya Balmonte. Ía lo que los arquitectos dicen "un problema d'escala".