Dalgunos enllaces

Crítica cinematográfica de calidá

¿Qué peli vos prestou más?

lunes, 26 de mayo de 2008

Coyotes (galácticos) de Paya


¡¡¡Coyotes de Paya nun ía cine inglés!!!

La selmana pasada metívosla doblada, hahaha. Coyotes de Paya ía un remake d'una peli inglesa llamada "Perros de vallicu", na que salía Al Pacino ya taba entretenida. Porque tamién salía (cumo en La Naranja Mecánica) un Jaguar "Zapatilla" colo que cuando la taba viendo el cerebru feixome "¡Plin! esta peli grabouse nel miesmu branu ya nel miesmu sitiu que La Naranja Mecánica". Efeutivamente, non. Dalgún día falaréi de PineWood studios....

De momento dicir que "Coyotes (galácticos) de Paya" ía'l guión d'una peli que vou facer, ya vou graballa en México, porque igual que Buñuel vou exiliame en México, ya a facer bon cine.

Llámola "Coyotes" porque, cumo tol mundiu sabe, en México nun hai "perros". Ya "de Paya" porque en México nun hai vallicu. Conque sí. Cumo tol mundiu sabe los Coyotes pueden ser convencionales ou galácticos. Claro, you gasto los galácticos porque son los únicos animales que falan, los convencionales nun falan, pero tamién son mui graciosos.

De todas maneras que los coyotes falen ou non ía lo miesmu, porque la peli vei ser de debuxos animaos, una banda animada. Pero sou un amante del realismu, asina que la mía obra tien que lo reflexar. Nun intentéis convenceme. Nun se vos ocurra cambiame... ¡qué corto una oreya, cumo Van Gogh!

Bono. Coyotes de Paya, sí ho. Pero veimos falar un poucu de "Perros de Vallicu". Qué quieren que diga. Perros de Vallicu asocede na Campiña inglesa, col encantu que tien. Agora, eso sí, los ingleses tán cumo mazas. Lo d'ellos ía cousa complicada. Paecen de Tinéu. Entós una xanda d'ellos amaña una pa capar al furón del prota (ya tirase a la muyer a turnos, pero ía circunstancial). L'home cree na bondá del ser humanu (pero nun conocía bien a esta tropa) ya deixase llevar; ellos andan inda más, ya ocurre lo qu'ocurre.

Ya depués hai ún qu'amaña una -ensin querer- ya la panda chungos van a por él, pero cai nas manos del prota -que vien siendo Al Pacino- ya entós ehí dase cuenta, ya véncelos.

Más ou menos ía eso. Pero tenéis que ver, cuando salga, la mía peli.

No hay comentarios:

Escríbenos

Si quies dalguna cousiquina, la ccrítica de dalguna peli, ou una entrevista con dalgún famosucu de Hollywood ou d'Ardesaldu, aceptamos piticiones na siguiente direición... munduxaime@yahoo.es
Free counter and web stats