Carros de Fuego

Carros de fuego ía la hestoria de Manulón, un pascuali que vuelve a la vida porque una araña tresmite-y el sou códigu xenéticu, ya llou súbese polas paredes.

Carros de Fuego ta basáu na vida privada del Fary, pero bono, cumo ía cinema conceptual, nun veimos entrar en detayes. Pero dicir que prestóme muncho.

You esta película, eso sí, nun la recomendaría a personas col esfínter mui fláccidu, porque contien escenas de xabaz ya dura violencia. Pero pa que nun pierda emoción, nun digo en qué parte.

A min, mira que'l cine en blancu ya negru nun me presta, pero con Carros de Fuego faigo una esceición. Préstame porque m'entretién. Ya lo que m'entretién préstame. Amai, si la pelí tien miga, tien sustancia, inda muncho más.

Nun teo palabras nesti espaciu pa dicir lo que Carros de Fuego m'aportóu, pero sí: aportoume. En cierta manera, Carros de Fuego camudoume la vida. Pero buo, si pueden, vean outra película porque ésta ía un pouquiñín llarga, entós por si se dormieran, que dempués estropeanla toda ya nun-ys presta. Vean por exemplu Parque Jurásico.

De todas maneras, pero ¿quién coño víu Carros de Fuego? Pos eso, cumo naide la víu puedo poner lo que me dea la gana. Hala, ya faigo un gran favor, asina veisla. Que la banda sonora de xuru la conozcais... ¡gañanes!