Al Final De Las Escaleras

Esta peli yía la típica que recomiendo a los mious peores enemigos. You vila ya -en confianza, pero nun lo contéis- firméi los calzoncillos. Sí, manchéi tol refaxu. Fou humillante, pero yía que la peli a-co-yo-na.

Va d'un guah.e, Cristopher Robin peimeque, que tenía un padre mediu raru, yera constructor, pero cola crisis pues tenía qu'espabilar. Entós afuega'l fíu -nun yía'l nome d'un queisu- ya merca outru fíu, que conviertese en Secretariu d'Estáu. Cousas de la peli. Lo cual paez la bibliografía de Miguel Gila. ¿Sedrá cine Gilaniananu?

Conque Stephen King vei vivir a la casa ú morriera Cristopher Robin, porque la sua familia morréu matada d'un accidente, lo cual al principiu yá paez qu'acoyona. Buo. Entós cumo la casa paecía tener tolos avances de la domótica más moderna, pero ensín corriente, Stephen entama a duldar, ya llama a Hidroeléctica del Cantábrico. Éstos, pa estos casos, tienen videntes, porque nun vei ser que nun cobren el recibu, eso non.

Entós vei una vidente col home, que escribe durante la sesión d'espiritismu, pero a-co-yo-na. Inda acoyona más cuando'l Stephen King usa la grabadora, ya sería cumo un capítulu de Camín de Cantares, si nun fora qu'eiquí falaba Cristopher Robin ya más ou menos eiquí fou unde derrapéi...

Bono, Almendrábar diz, cuando quier facese l'entendíu en cine, qu'esta fou la meyor peli de terror que véu. Pero cumo you nun sou Almendrábar, pues you quedome con Scooby Doo I ya la sua secuela, Scooby Doo II, que son de miéu, pero nun acoyonan tantu.

Al final la peli acaba cumo una mascletá de las fallas valencianas, Cristopher Robin I mata a Cristopher Robin II, que paecíase a Warren Cristopher, políticu chungu d'EEXX, d'esteriores, ou dalgo asina. En fin, you nun vería esta peli, ou si la viera nun la vería mudáu.... ¡Facéime casu!

El Padrino II

El Padrino II yía básicamente la peli que ta ente El Padrino I ya El Padrino III. Porque que se sepa nun feixenon más pelis d'El Padrino, al menos na OCDE.

Coméntovos: Micheal Corleone yá ta feichu todu un highlander, yía'l Sheriff, el que manda na Familia Corleone, ya'l sou harmanu, el que nun yía nin Santino (que ta criando malvas) nin Connie (que nun se sabe mui bien a que ta dedicada), pues ési, sí ho, que taba pa Las Vegas, ehí n'Avilés, pos sigue comiendo los mocos.

Conque traza un plan pero Michael ía más llisto que la fame... ya nun-y sal bien.

Venga en serio. ¿Tanto pa facer una peli? Reflesionái en frío...

You metía unos cambeos. Primeiru: Tom Hagen de Consiglieri, pero cumo Michael ía Maikel, pos tamién ponía de Consiglieri de la Famiglia a Kit, al Coche Fantástico, que tien un vozarrón de mafiosu que nun se tien. Asina podíamos considerar la peli ente dos xéneros: El cine Negru ya la Ciencia Ficción. ¿Miento?

Segundu. Que Connie tien el sou aquel... qu'a más d'ún-y pon.. gayaspeiru, polo menos. Connie tien que salir más na peli; ya la mamma Corleone, pues menos.

Terceiru. You a Andrés Pajares, qué quereis que vos diga, véolo nel papel de Vito Corleone mozu. Pero'l malu, el mafiosu xudíu tenía que tar interpretáu por Mariano Ozores. Poner outru actor ía joder la peli.

Cuartu. Lo que toos pensáis. Pero nun lo dicis. Robert Duval nun da la talla pa interpretar a Tom Hagen. You proponía nantes qu'él a un debuxu animáu. Lo que pasa yía que tampouco hai naide que lo faiga cumo Robert Duval polo que cobróu. Pero hai que lo dicir.

Bono. Esto ¿a qué yá yía outra cousa?