Dalgunos enllaces

Crítica cinematográfica de calidá

¿Qué peli vos prestou más?

jueves, 16 de octubre de 2008

Arma Fatal


Arma Fatal yía una superproducción angloasturiana de cine policíacu. La cousa vei asina:

Un superpoli de Xixón mándanlu pa Pravia a poner orde, pero cumo los pravianos son xente bipolar ya homocigótica pos acaban con él.

Sí ho, los pravianos tán todos afiliaos al SO MAFIA UGT ya pol día son absurdos votantes del PP pero pola nueiche son obreiros con conciencia trabayadora de clas.

Esti guión tan bono nun pudo facellu outru que Xandru Fernández que dende'l sou blogue apurríonos la película, que fou vetada en tolos cines asturianos, pero algamóu muncha sonadía nos gallegos, castellanollioneses ya santanderinos. Son cousas de la política.

Bono dicir que na peli sal Timothy Daltón, que de los cuatro harmanos yera'l segundo, pero medróu, ya pasóu a ser Lucky Luck cuando esti morréu de cáncer de pulmón por fumar tantos petas. Ya d'ehí fou a Remingtón Street ya d'ehí fou a sustituir a John Travolta, tres el sou retiru espiritual pa Meicina, cumo James Bond en Muere otro día y Al servicio de Su Majestad, creo.

Timothy Dalton, introductor del macramé en la colonia británica de Xibraltar, siempres sedrá membráu pola sua interpretación teatral de papeles Shakespearianos, polo que na peli cueye berrinche pa con un actor que interpretaba a Shakespeare cumo'l propiu Timothy a 007.

Bono, mui bono'l collaciu del poli roxu, el que viniera de Xixón, talmente paecía al fíu d'Areces; fartón, fartón, fartón... La versión d'Areces en gentleman Praviana.

Llou sal un coríu, un pouco a lo Monty Phytón... que fonon los qu'amosanon al mundiu enteiru cumo con intelixencia pa la física pero ensin destreza pa la carpinteiría pue probase qu'un gansu pesa tanto cumo un bruxa ya por ello flotan nel augua.

¡Adoro'l cine, l'humor ya la ciencia británica!

Pos resulta que'l poli roxu, el de Xixón yera mui atravesáu, trabayador, del Sporting, ya pa enriba yera de Comisiones Obreres d'Asturies, colo que los pravianos fonon contra él, por char a los guah.es d'un chigre un domingu. Ente outras munchas.

Ya sospecha que la Casa'l Coñu fou pura especulación urbanística en Pravia, pero entós los proprios pravianos dicen que non, que cumo son pravianos tienen los sous compleixos sexuales, d'ehí que Pravia tea llena de grandes falos: La chimenea de l'Azucarera, la Casa'l Coñu, la Ponte qu'atraviesa'l Prau Salcéu (conocíu cumo'l Prau'l Xiringüelu...)

Ya al final too yía un mal entendíu, pero al Xixonudu casi lo garran; pero cumo yía un bon poli ya amás del Sporting pues al final detien a mediu Pravia ya entós acaba de Sheriff en Pravia ya merca una casa en Villamondrid ya sema berzas ya cueye Arándanos.





A l'atención de Xandru Fernández.. Aténdemos, cumo dicimos, piticiones. ¡Gracias por lleenos!

1 comentario:

Xandru Fernández dijo...

Oi, mozos, acabo de ver esti post. Encantóme. Munches gracies.

Escríbenos

Si quies dalguna cousiquina, la ccrítica de dalguna peli, ou una entrevista con dalgún famosucu de Hollywood ou d'Ardesaldu, aceptamos piticiones na siguiente direición... munduxaime@yahoo.es
Free counter and web stats