Morréu Charlot Heston

Pos sí. Mirái, la noticia ya la teniamos, pero hasta que nun la confirmamos, pos nun la ponemos. Nós somos asina.

La nuesa hestoria con Charlot Heston fora interesante. Resulta que fiximos la crítica del "Planeta de los Simios", ya darréu queriamos face-y una entrevista en persona, na sua casa de Houston, xunto a la sua muyer, un mandril centroafricanu que conociera durante'l rodaxe del Planeta de los simios; pero morréu nesi intre. Conque la cousa quedou herma.

Asina que nada una pena; vamos rendí-y homenaxe a ésti xenial actor, a ritmu d'una salva cola escopeta perdigones. ¡Pol Camarada Charlot Heston!

La sua vida fora interesante. Charlot Heston naciera nas verdes colinas del Sur d'Escocia nel añu 1890. A los cinco años emigrara a las Highlands, ya fixerase Highlander; eillí deprendiera tolo rellacionáu col cine d'escoceses, los que llevan falda (Kilt) ya eso. Llou fora a Londres ya feixerase cupletista.

Cola gran gripe de 1917 marchara pa los EEXX ya eillí feixo fortuna: Inventóu un personaxe. Ésti yera él, pero ensin l'apellíu: Charlot (a secas). Ya rodara un güevu pelis en blancu y negru, pero foran todas un poucu tostón, ya cumo s'aburría pasóu al cine de Color (non, el cine de color nun ía'l cine la xente color, ía'l cine con colorinos).

Ehí Charlot Hestón, yá consagráu, llamabase Charlot Hestón yá, ya grabara Espartaco. Ésitu total, dienon-y un par d'oscars por peli hasta l'añu siguiente. Muuui bonu. Charlot Heston touvo tanto ésitu, que -esti datu pouca xente conoz- tocou'l baxu con Elvis Presley, pero cumo Elvis Presley tenía inda más fama, pos tapecía al nuesu Heston. Conque deixóu'l baxu pa los baxistas.

Ya llou, nos años 90 dedicóuse a facer series de televisión, cumo "Sherlock Holmes", "Robin Hood", "El Señor de los anillos"... todas ellas de muncho ésitu.

N'España tamién trunfara. Eiquí con actores cumo Joselito ou Paco Martínez Soria, ente outros. Pero unde más rellumbróu n'España fou en Series de cultu, cumo "Menudo es mi padre" ou, pola que toos lu conoceréis: interpretando a Curro Jiménez en "Curro Jiménez y los siete"