La Liga de los Hombres Extraordinarios

(Son estos perigüeis)

La verdá que nun séi quien fou'l Direutor d'esta peli, pero ameritaba un bon verdiascazu. Nun séi, cumo tou de mal humor vou dicir que fonon Michael Jackson ya Steven Spielberg, que vilmente machacanon varios mitos de la lliteratura moderna:

Tom Sawyer (de Mark Twain) que puenenlu cumo si fora un rapacín d'Al Salir de Clase ou cumo si fora'l maula de Fran Perrea en Los Serrano. Da grima.

Dr.Jekyll y Mr.Hyde (Robert Louis Stevenson), con una complexa personalidá que machacan na peli.

Capitán Nemo (sacáu d'una novela de 20.000 Leguas de Viaje Submarino, de Jules Verne), que si al doctor Jekyll lu machacan con esti ensañanse.

Hai una vampiresa que nun séi d'óu sal, pero qu'a Bram Stoker diba facía muuuncha gracia.

Dorian Gray, que'l sou autor (Oscar Wilde) presentía que diba salir na peli esta; poro, suicidóuse por si acaso ya porque pa facer un personax asina pa una peli d'esti tipu nun paga la pena vivir.

Ya Allan Quatermain, (Las Minas del Rey Salomón) que fain d'él un personax más complexu, porque sinon esti bodriu nun diba haber quien lo tragara. Pero cumo naide conoz a Rider Haggard, por ser escritor victorianu inglés esto touvo la sua cousa nos países llatinos, cumo eiquí.

¡Ai! Bono, ya llou ta l'Home Invisible, que séi un chiste sobre él, pero cumo Cernícalo Furioso suel contar los chistes meyor, pues que lu puenga él, que tamién me lu contara.

Que nada, qu'esta peli yía un fake en toda riegla.